Өфөлә яҙыусы Яныбай Хамматовтың 100 йыллығына арналған кисә үтә

Сараның  режиссеры  Дамир  Йосопов белдереүенсә, кисәнең төп маҡсаты – яҙыусыны хөрмәтләп иҫкә алыу, уның иң яҡшы әҫәрҙәренән өҙөктәр уҡыу, ижадының бөгөнгө әҙәбиәткә йоғонтоһон тикшереү. Хәтер кисәһендә дүрт балалар театр коллективы: «Росток» өлгөлө балалар театры (етәксеһе Салауат Нурисламов), «Непоседы» өлгөлө театры (етәксеһе Лариса Беляева), «Бим-Бом» театр студияһы һәм «Волшебная рампа» халыҡ театры (етәксеһе Лилиә Иванова) ҡатнаша.

Сәғәт киске  6-ла башланған сараға инеү ирекле.

Билдәле булыуынса, 2025 йылда Башҡортостан Башлығы указы буйынса республикабыҙҙа Яныбай Хамматовтың тыуыуына 100 йыл тулыуҙы билдәләйҙәр.  Ойоштороу комитетын Башҡортостан хөкүмәте премьер-министрының беренсе урынбаҫары Урал Килсенбаев етәкләй.