Гитара ла – ҡорал

Өфөлә, «Башҡортостан» дәүләт концерт залында, «Беҙ Ватаныбыҙға хыянат итмәйбеҙ» концерты үтте.

Уға отпускыла булған махсус операция яугирҙары һәм хәрби хәрәкәттәр ветерандары саҡырылды.

Миңлеғәле Шайморатов исемендәге махсус хәрби операция инвалидтарын һәм ветерандарын социаль яҡлау хәйриә фонды билеттар һатыуҙан килгән бөтә аҡсаны яу ҡырындағы хәрбиҙәргә һәм махсус техника алыуға йүнәлтәсәк.

Ҙур концертта ватанды һаҡлаусыларға арналған "Доставаловсылар", "Шайморатовсылар, алға", "Башҡортостан" полкы”, "Башҡорт флагы батырҙары", "Ватан", "Юғары маҡсатлы ирҙәр", "Гитара ла – автомат", "Беҙ үҙ Ватаныбыҙға хыянат итмәйбеҙ" композициялары һәм йырҙар яңғыраны.

Тамашасыларҙы Республика Хөкүмәте премьер-министры урынбаҫары Ирек Сәғитов сәләмләне. Ул «Тере ҡайтығыҙ» йырын башҡарҙы һәм уны алғы һыҙыҡта торған яугирҙарға бағышланы. Хәйриә концертын Башҡортостандың атҡаҙанған артисы Рәмил Бәҙәмшин ойошторҙо.