Байрам көндәрендә поликлиникалар нисек эшләй?

Башҡортостан Һаулыҡ һаҡлау министрлығы Яңы йыл байрамдары осоронда, 2024 йылдың 29 декабренән алып 2025 йылдың 8 ғинуарына тиклем, медицина ойошмаларының эш графигы тураһында хәбәр итә.

 30 һәм 31 декабрҙә, шулай уҡ 2, 3, 4, 6 һәм 8 ғинуарҙа поликлиникалар 8.00 сәғәттән 17.00 сәғәткә тиклем эшләйәсәк. Табипты кисектергеһеҙ саҡырыуҙар 16.00 сәғәткә тиклем ҡабул ителә.

Профилактик диспансеризацияны шулай уҡ 30 һәм 31 декабрҙә, 2, 3, 4, 6 һәм 8 ғинуарҙа үтергә мөмкин.

Стационарҙар, травмпункттар һәм “ашығыс ярҙам” хеҙмәте тәүлек әйләнәһенә эшләйәсәк.

Ҡатын-ҡыҙҙар консультациялары 30, 31 декабрҙә һәм 2, 3, 4, 6, 8 ғинуарҙа ҡабул итә. Йөклө ҡатындар ошо уҡ көндәрҙә ультратауыш тикшереүе скринингы үтә ала.

29 декабрҙә, 1, 5 һәм 7 ғинуарҙа амбулатор-поликлиника звеноһы ял итә.

Фото “Башинформ”дан алынды.