Шағир ҡыҙы менән осрашыу

Кисә республикабыҙҙың Милли музейында Башҡортостандың халыҡ шағиры Мостай Кәримдең тормошо һәм ижадына бағышланған күргәҙмә сиктәрендә шағирҙың ҡыҙы менән осрашыу үтте. “Алма еҫе” тип исемләнгән кисәлә Әлфиә Кәримова ата-әсәһе, ғаиләһе, бала сағы хаҡында ҡәҙерле иҫтәлектәре менән бүлеште, ҡатнашыусыларҙы ҡыҙыҡһындырған һорауҙарға яуап бирҙе. Күргәҙмә музейҙың ике бүлмәһендә урынлашҡан. Унда Мостай Кәримдең эш өҫтәле, баҫма машинкаһы, китаптары, ҡулъяҙмалары, ғаилә архивынан фотолар ҡуйылған.

Әлфиә Мостай ҡыҙы күргәҙмәне юғары кимәлдә ойошторғандары өсөн Милли музей директоры Рөстәм Исхаҡовҡа һәм музей хеҙмәткәрҙәренә Мостай Кәрим исемендәге фондтың Рәхмәт хаттарын тапшырҙы.

Әлфиә Кәримованың “алма еҫе аңҡыған" бала сағы тамашасыларҙың күңеленә хуш килде. Ихлас, йылы осрашыу иҫтәлеккә фото төшөү менән тамамланды.

Автор:

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?