Республикала водителдәр етешмәй

Башҡортостанда водителдәргә ҡытлыҡ күҙәтелә, тип белдерҙе «Башинформ» агентлығында уҙған матбуғат конференцияһында республиканың ғаилә, хеҙмәт, халыҡты социаль яҡлау министры вазифаһын башҡарыусы Ленара Иванова.

Республикала, рәсми мәғлүмәттәр буйынса, 2 мең водитель етмәй. Шул уҡ ваҡытта мәшғүллек үҙәктәрендә ошондай һөнәргә эйә 230 кеше иҫәптә тора.

«Өфөлә хәл тағы ла киҫкенерәк, сөнки 800 водитель вакансияһы бар, билдәле бер категориялы 33 кенә водитель эшһеҙ», – тип өҫтәне Ленара Иванова.

Сығанаҡ: «Башинформ».