Һаулыҡ һаҡлауҙы үҫтереү буйынса яңы совет булдырыла

Хөкүмәттең оператив кәңәшмәһендә Башҡортостан Башлығы Радий Хәбиров ни өсөн республикала һаулыҡ һаҡлауҙы үҫтереү буйынса Совет ойоштороуҙары тураһында һөйләне.

"Ябайырыҡ итеп әйткәндә, беҙ эшебеҙҙе бер аҙ үҙгәртәбеҙ. Быға тиклем “Сәләмәтлек сәғәттәре” үткәрһәк, хәҙер иһә һаулыҡ һаҡлау буйынса Советтар була. Регламентта йылына кәмендә дүрт тапҡыр уҙғарырға тип яҙҙыҡ. Көнүҙәк мәсьәләләрҙе тикшерәсәкбеҙ", – тине Радий Хәбиров.

Был Совет составына республика дауаханаларының баш табиптары һәм әйҙәүсе белгестәр инәсәк.

Сығанаҡ: “Башинформ”.