Милләт асылын һаҡлау – ҡатмарлы бурыс

VI Бөтә донъя башҡорттары Ҡоролтайында сығышында Радий Хәбиров, башҡорт халҡының рухы уның тоғролоғонда һәм ихласлығында ята, тип билдәләне.

"Башҡорт халҡы Башҡортостан һәм Рәсәй халыҡтарының күп милләтле ғаиләһенән ситтә үҫешә алмай. Был – тарихи ҡунаҡсыллыҡ, күрше булып йәшәү мәҙәниәте. Әммә милләтте һаҡлап ҡалыр өсөн уның төп асылын — телде, мәҙәниәтте, йолаларҙы, ғөрөф-ғәҙәттәрҙе һәм билдәле бер рухи иммунитетты юғалтмаҫ кәрәк. Был – ҡатмарлы бурыс. Шул уҡ ваҡытта беҙ бөтә халыҡтарҙың мәнфәғәттәре балансын боҙорға тейеш түгелбеҙ. Хәҙерге шарттарҙа заманса модернизация процестарына яраҡлаша алған милләттәр генә үҙ үҙенсәлеген һәм тел үҙенсәлеген һаҡлаясаҡ», – тине ул.

Олег Яровиков фотоһы.