Башҡортостанда «Дәрүиш рухы» музыкаль фестивале йыл һайын үткәреләсәк

– Бик матур сара! Мәҙәниәт министры Әминә Ивний ҡыҙы Шафиҡова уны йыл да үткәрергә тәҡдим итә. Майҙансыҡ та һәйбәт. Көрәш һарайында, спорт ярыштарынан тыш, ошондай мәҙәни саралар ойоштороу мөмкинлеге лә бар, –  тине Радий Хәбиров. –  Мин оло ҡәнәғәтлек алдым.

Радий Хәбиров фестивалдә «Рух» төркөмөнөң «Өлгөрмәнем» йыры күңеленә үтеп инеүен һәм хәҙер уны машинала тыңлауын һөйләне.

– Егеттәргә ошо йыр өсөн рәхмәт әйтегеҙ. Ул уйланырға ла мәжбүр итә, бик сифатлы ла, – тине республика етәксеһе.

Сығанаҡ: “Башинформ”