Өфөлә инвалидтар өсөн социаль такси эшләй

2 декабрҙә, Халыҡ-ара инвалидтар көнө алдынан, Өфөлә инвалидтар өсөн социаль такси эшләй башланы. Был хаҡта Башҡортостандың ғаилә, хеҙмәт һәм халыҡты социаль яҡлау министры вазифаһын башҡарыусы Ленара Иванова хәбәр итә.

«Беренсе төркөм инвалидтар һәм инвалид балалар айына дүрт тапҡыр бушлай социаль такси менән файҙаланырға хоҡуҡлы. Таксиға кәмендә өс көн алдан 8 800 787 77 77 номеры буйынса шылтыратып әйтергә кәрәк», – тип билдәләй ведомство етәксеһе социаль селтәрҙә.

Сервис дүшәмбенән кесаҙнаға тиклем – иртәнге сәғәт 8-ҙән киске 5-кә, йома һәм байрам алды көндәрендә иһә 8-ҙән 4-кә тиклем эшләй, тип өҫтәне ул.

Социаль такси менән ҡайҙа барырға мөмкин?

– социаль хеҙмәтләндереү ойошмаларына

– башҡарма власть органдарына

 – поликлиникаға, дарыуханаға

– медик-социаль экспертиза учреждениеларына

– социаль һәм пенсия страховкалау фонды бүлексәһенә

– паспорт-виза хеҙмәттәренә

– элемтә бүлексәләренә

– протез-ортопедия предприятиеларына

– дәүләт нотариаль контораларына, нотариусҡа

– суд власы һәм прокуратура органдарына

– коммуналь хеҙмәттәр менән тәьмин итеүсе ойошмаларға

– Өфөнөң тимер юл вокзалына

– Өфө автовокзалдарына

– бушлай юридик ярҙам күрһәтеү учреждениеларына

 – дәүләт һәм муниципаль хеҙмәттәр күрһәтеү буйынса күп функциялы үҙәктәргә

– М.Кәрим исемендәге «Өфө» халыҡ-ара аэропортына.

Сығанаҡ: «Башинформ».