Башҡортостандан «Нигеҙ» фильмы Германияла күрһәтелә

Билдәле кинорежиссер Фәрзәнә Утарбаеваның «Нигеҙ» фильмы быйыл ноябрь-декабрь айҙарында Германияның Галле, Төркмәнстандың Ашхабад, Мәскәү, Мурманск һәм Ҡыҙыл ҡалаларында күрһәтелә. Башҡорт тамашасыһы танылған кинокартинаны Өфө кинотеатрында ҡарарға мөмкин. Ул 29 ноябрҙә кинотеатрҙарыбыҙ экранына сыға. 

Фильм ғаилә ҡиммәттәре, ауылдарҙың бөтөүе, изге атай нигеҙе хаҡында бәйән итә. Төп ролдә А. Мөбәрәков исемендәге Сибай башҡорт дәүләт драма театры актеры, Башҡортостандың халыҡ артисы, Рәсәйҙең атҡаҙанған артисы Риф Сәйфуллин уйнай.

Башҡорт кинокартинаһының Бөтә Рәсәй һәм халыҡ-ара фестивалдәрҙә еңеү яулауы хаҡында яҙғайныҡ.

https://bash.bashinform.ru/news/culture/2024-11-27/bash-ortostandan-nige-filmy-germaniyala-k-r-tel-4026286