Башҡорт яугире әсәһенә сюрприз эшләгән

Махсус хәрби операцияла ҡатнашыусы «Хамас» позывнойлы яугир ялға ҡайтҡан һәм көтмәгәндә дауаханала эшләгән әсәһенең эш урынына килеп ингән. Әсәләр көнөнә ошонан да ҙурыраҡ бүләк юҡтыр.

– Сығышым менән Дәүләкәндәнмен. Беҙ күптән Нижневартовск ҡалаһына күсеп киттек, – тип һөйләне яугир. – 2022 йылдан үҙ теләгем менән махсус операцияла ҡатнашам. Әсәйемә хәбәр итмәй ҡайтып, байрамға бүләк эшләргә теләгәйнем.

Әйткәндәй, яҡташыбыҙ тиҙҙән тыуған яғына ҡайтырға ниәтләй. Ул үҙенә позывнойҙы нисек һайлауы хаҡында һөйләне, ә бына наградалары хаҡында яҙмауыбыҙҙы үтенде. 

– Мин – мосолман. Дуҫтарым һаҡалыма ҡарап, Хамас, тип шаяртҡайны, шул көндән ошо позывной тағылып ҡалды. Наградаларым бар, әлбиттә, әммә улар хаҡында һөйләргә яратмайым, – ти Дәүләкән егете.

Сығанаҡ: «Башинформ».

Фото:видеонан скриншот.