Ял көндәрендә һауа торошо нисек булыр?

Башҡортостан синоптиктары алдағы өс көнгә һауа торошон хәбәр итте. Башгидромет мәғлүмәттәре буйынса, бөгөн республикала яуым-төшөм көтөлмәй, айырым райондарҙа боҙлауыҡ. Ел көньяҡтан, көньяҡ-көнсығыштан талғын, урыны менән көслө. Һауа температураһы көндөҙ +3, -2 градус.

Шәмбе, 23 ноябрҙә, урыны менән епшек ҡар һәм ямғыр яуыуы, боҙлауыҡ көтөлә. Ел көньяҡтан талғын. Һауа температураһы төндә 0, -5, көньяҡ-көнсығышта -10, көндөҙ -2, +3 градус.

Йәкшәмбе, 24 ноябрҙә, яуым-төшөмһөҙ. Ел көньяҡ-көнсығыштан талғын. Һауа температураһы төндә 0, -5, көньяҡ-көнсығышта -10, көндөҙ - 1, +4 градус.

Сығанаҡ: "Башинформ".