Яугирҙәргә дарыуҙар тейәлгән гуманитар ярҙам барып еткән

Башҡортостандан махсус хәрби операция зонаһына сираттағы гуманитар ылау алып барылған. Яугирҙәргә республикабыҙҙан килгән ярҙам тураһында Әлшәй районы хакимиәте башлығы Наил Әбелғужин хәбәр итә.

Район етәксеһе әйтеүенсә, гуманитар ылауҙы урындағы предприятиелар һәм ойошмалар, эшҡыуарҙар һәм битараф булмаған кешеләр әҙерләгән. Улар яҡташ яугирҙәр өсөн медикаменттар, йылы кейем-һалым, маскировка селтәрҙәре, мейес-буржуйкалар, бәләкәй газ баллондары, окоп шәмдәре, өйҙә эшләнгән консервалар һәм башҡа аҙыҡ-түлек йыйған. Алғы һыҙыҡҡа ылауҙы Ыҫлаҡ ауыл биләмәһе башлығы һәм район хакимиәте вәкиле алып бырып тапшырған.

Фото Әлшәй районы хакимиәте башлығы Наил Әбелғужиндың Телеграм-каналынан.