Ҡатын-ҡыҙ һаулығы аҙналығы бара

Башҡортостанда Әсәйҙәр көнө алдынан Ҡатын-ҡыҙ һаулығы аҙналығы башланды. Уның сиктәрендә республикала йәшәгән ҡатын-ҡыҙҙар бушлай медицина тикшереүе үтә ала, тип хәбәр итәләр республика йәмәғәтселек сәләмәтлеге һәм медицина иҫкәртеүе үҙәгенән.

18-23 ноябрҙә ҡатын-ҡыҙҙар бушлай медицина тикшереүе үтергә һәм терапевт, гинеколог, эндокринолог, маммолог, дерматолог, психолог консультацияһын алырға мөмкин.  

Республика медицина-генетика үҙәге, онкология диспансеры, перинаталь үҙәк табиптары Белорет, Бөрө, Дүртөйлө, Сибай, Күмертауҙың район һәм ҡала дауаханаларында күсмә консультациялар үткәрә.

Табиптарҙың эш графигы менән бында танышырға мөмкин.

Сығанаҡ: “Башинформ".