Көслө ел, ҡар, боҙлауыҡ...

Синоптиктар фаразы буйынса, шишәмбе, 5 ноябрҙә, урыны менән бер аҙ ҡар яуыуы, айырым райондарҙа боҙлауыҡ көтөлә. Ел көньяҡ-көнсығыштан талғын. Һауа температураһы көндөҙ +1, -4°.

Шаршамбы, 6 ноябрҙә, ҡар, төндә көньяҡта көслө ҡар яуыуы, айырым райондарҙа боҙлауыҡ фаразлана. Ел төньяҡтан, төньяҡ-көнсығыштан талғын, көньяҡта көсәйеүсән. Температура төндә -2, -7°, көндөҙ +1, -4°.

Кесаҙна, 7 ноябрҙә, бер аҙ ҡар яуыуы көтөлә. Ел көнбайыштан, көньяҡ-көнбайыштан талғын, төндә көньяҡ-көнсығышта көсәйеүсән. Һауа температураһы төндә -4, -9°, аяҙытҡанда -14°, көндөҙ -2, -7°.

Сығанаҡ: "Башинформ".