Ноябрҙең беренсе көнөндә епшек ҡар, боҙлауыҡ көтөлә

Синоптиктар хәбәр итеүенсә, йома, 1 ноябрҙә, ваҡыты менән ямғыр ҡатыш епшек ҡар яуыуы көтөлә. Тимер сымдарға һәм ағастарға ҡар һырыуы, төндә һәм иртән юлдарҙың айырым участкаларында боҙлауыҡ булыуы мөмкин. Ел көньяҡтан, көньяҡ-көнсығыштан, талғын, урыны менән көсәйеүсән. Һауа температураһы төндә –2, +3°, көндөҙ 0, +5°.

Фото: “Башинформ”.