Тиҙҙән экрандарҙа

Ноябрҙә кинопрокатҡа “Мәҙәниәт: һуғыш һәм солох” (“Культура: война и мир”) тип аталған документаль фильм сыға.

Уны төшөрөүҙә театр һәм кино актерҙары Евгений Князев, Николай Лебедев, Рәсәй Дәүләт Думаһы депутаты һәм билдәле журналист Петр Толстой, мәҙәниәт эшмәкәрҙәре һәм ижади юғары уҡыу йорттары студенттары ҡатнашҡан. Фильмдың режиссеры – Александра Франк.

“Рәсәй мәҙәниәтен байыта алған яңы шәхестәр — шағирҙар, яҙыусылар, рәссамдар һәм музыканттар, режиссерҙар барлыҡҡа килә. Калининградтан Сахалинға тиклемге төбәктәрҙә мәҙәниәт йүнәлеше әүҙем үҫешә. Яңы кинофестивалдәр барлыҡҡа килә, музейҙар реставрациялана, ижади мәктәптәр тергеҙелә. Фильмда тамашасыларға яңы заман киләсәген һәм унда бик күп яңы геройҙар буласағын күрһәтергә теләнем”, – ти  ул.