“Бөгөнгө көн – балаларыбыҙ күңелендә спортҡа ҡыҙыҡһыныу уятыуҙа ҙур аҙым”

Бөтә Рәсәй йәйәү йөрөү көнөндә ҡатнашыу өсөн күптәр балалары менән килгәйне.

“Рәсәй кимәлендә үткән шундай ҙур саранан ситтә ҡалғы килмәне. Халыҡ араһында ҡайнап, күмәк рухты тойоп йөрөү күңелле. Бындай сараларҙа ҡатнашыу йөрәккә дәрт бирә, көс-ҡеүәт өҫтәй. Балаларыбыҙ ҙа ҡыуанып килде. Әле уртансы ҡыҙым һәм бәләкәсем –улым менән йөрөйбөҙ. Улыма биш йәш кенә булһа ла, саҡ ҡына күтәртеп ала ла беҙҙең менән бер аяҡтан атларға ынтыла. Ә апайҙары ҡунаҡтар алдында сығыш яһарға әҙерләнеп йөрөй, ул бейей. Бөгөнгө көн балаларыбыҙҙа спортҡа ҡыҙыҡһыныу уятыуҙа ҙур аҙым булыр, тип уйлайым”, – ти Лениза Нафиҡова.