Бензинға тағы хаҡ артҡан

Бөгөн, 15 октябрҙә, «Башнефть» яғыулыҡ ҡойоу станцияларында бензин йәнә ҡиммәтләнгән. Хәҙер АИ-92 бензинының бер литры автоһәүәҫкәрҙәргә – 51,85 һумға (+5 тин), ATUM-92 – 52,95 һумға (+5 тин), ATUM-95 56,45 һумға (+10 тин) төшә. Дизель яғыулығының хаҡы ғына үҙгәрмәгән – бер литры 63,85 һум тора.

«Башнефть» компанияһында 6 октябрҙә генә хаҡтар артҡайны. Шулай итеп, 28 майҙан башлап был яғыулыҡтың хаҡы 19-сы тапҡыр күтәрелгән.

Сығанаҡ: «Башинформ».