Абхазия Президенты Аслан Бжания менән осрашыу

Башҡортостан менән Абхазия араһындағы хеҙмәттәшлектә төп йүнәлештәрҙең береһе булып туризм тора, тип һыҙыҡ өҫтөнә алды Радий Хәбиров. Мәҫәлән, Башҡортостандан өлкән быуын кешеләренең бер төркөмө «Башҡорт-абхаз оҙон ғүмерлелеге» программаһы сиктәрендә Абхазияла булды.

Сәфәр ҡатнашыусыларҙа бик ыңғай тәьҫораттар ҡалдырған.

– Илегеҙҙең баш ҡалаһында аэропорт төҙөү буйынса эштәрҙең план буйынса барыуын беләбеҙ һәм Өфө – Сухум тура рейсын ойоштороу мәсьәләһе өҫтөндә эшләйбеҙ, – тип хәбәр итте Радий Хәбиров.

Аслан Бжания ике аралағы авиабәйләнеште үҫтереү мәсьәләһенә ҡарата ҡыҙыҡһыныусанлыҡ белдерҙе.

– Өфө менән Сухум араһында авиарейстар асыу беҙҙең өсөн бик мөһим. Башҡортостан халҡының Абхазияға килеүен, һаулығын нығытыуын һәм беҙҙең ҡояш йылыһында ял итеүен теләйбеҙ, – тип билдәләне Аслан Бжания.

Осрашыу сиктәрендә шулай уҡ сауҙа-иҡтисади хеҙмәттәшлек перспективалары һәм ике яҡлы мөнәсәбәттәрҙе артабан үҫтереү буйынса пландар тикшерелде.