Башҡортостанда ике көн рәткә температура рекорды теркәлгән

Башҡортостанда сентябрҙең һуңғы көнөндә яңы температура рекорды ҡуйылғайны.

Башгидромет мәғлүмәттәре буйынса, 30 сентябрҙә көндөҙ Өфө-Дим аэростанцияһында һауа температураһы +23,3° тәшкил иткән.

Быға тиклемге рекорд 1984 йылда теркәлгән, ул саҡта һауа +21,9° тиклем йылынған.

Быйыл йәй ямғырлы һәм һалҡын булды. Күрәһең шуғалыр, көҙ йылыһын йәлләмәй. 1 октябрь тағы бер температура рекорды менән билдәләнде, тип белдерәләр Башгидрометүҙәктән. Кисә көндөҙ Өфө-Дим аэростанцияһында һауа температураһы +23,2 градусҡа тиклем күтәрелгән. Быға тиклем 1 октябрҙә иң юғары күрһәткес 1974 йылда теркәлгән һәм ул +21,5° булған.