Билдәле композитор Нариман Сабитовтың тыуыуына 100 йыл тула

“Билдәле башҡорт композиторы, Башҡорт АССР-ның атҡаҙанған сәнғәт эшмәкәре Нариман Сабитовтың тыуыуына 100 йыл тулыуға бәйле 2025 йылда Нариман Ғиләжетдин улы Сабитовтың 100 йыллығына арналған саралар үткәреү тураһында ҡарар сығарам”, - тиелә республика етәксеһе указында.

Указ ҡул ҡуйылған көндән көсөнә инә.

Башинформ хәбәр иткәнсә, 2020 йылдың ғинуарында Өфөлә күренекле башҡорт композиторы Нариман Сабитовтың бюсы үҙенең тарихи урынына ҡайтты. Уны 1976 йылда скульптор, Башҡортостандың халыҡ рәссамы Зилфәт Басиров эшләп, композиторҙың исемен йөрөткән 1-се балалар музыка мәктәбенә бүләк иткән.

Сығанаҡ “Башинформ”