Ямғырлы ял көндәре көтөлә

Башҡортостанда ял көндәрендә ямғыр яуыуы фаразлана. Башгидромет мәғлүмәттәре буйынса, йома, 20 сентябрҙә, ҡыҫҡа ваҡытлы ямғыр, айырым райондарҙа йәшен көтөлә. Ел көнбайыштан талғын. Һауа температураһы көндөҙ +15,+20°.

Шәмбе, 21 сентябрҙә, шулай уҡ урыны менән бер аҙ ямғыр яуыуы ихтимал. Ел көнбайыштан талғын. Һауа температураһы төндә +6,+11°, көндөҙ +13,+18°.

Йәкшәмбе, 22 сентябрҙә, төндә урыны менән, көндөҙ республикала бер аҙ ямғыр яуыуы көтөлә. Ел көнбайыштан, төньяҡ-көнбайыштан талғын, көндөҙ айырым райондарҙа көсәйеүсән. Һауа температураһы төндә +6,+11°, көндөҙ +12,+17°.