Көндәр йылы тора

Алдағы ике көндә Башҡортостанда йылы һауа торошо һаҡлана, тип хәбәр итә республика синоптиктары.

Башгидромет мәғлүмәттәре буйынса, кесаҙна, 19 сентябрҙә, яуым-төшөмһөҙ, көндөҙ республиканың төньяҡ райондарында бер аҙ ямғыр яуыуы ихтимал. Ел төндә талғын, көндөҙ көнбайыштан талғын. Һауа температураһы төндә +2, +7 градус, урыны менән 0, -2-гә тиклем һалҡынайтып, ҡырау төшөүе мөмкин, көндөҙ +17, +22 градус.

Йома, 20 сентябрҙә, урыны менән бер аҙ ямғыр яуыуы фаразлана. Ел көнбайыштан, төньяҡ-көнбайыштан талғын, көндөҙ көсәйеүсән. Һауа температураһы төндә +6, +11 градус, көньяҡта +1-гә тиклем, көндөҙ +15, +20 градус.

Сығанаҡ: "Башинформ".