+30 °С
Болотло
Һуңғы яңылыҡтар
17 Сентябрь 2024, 10:55
Башҡортостандан туған тел уҡытыусылары Рәсәй конкурсында ҡатнаша
Рәсәй Федерацияһының Мәғариф министрлығы 2024 йылдың 16-21 сентябрендә «Иң яҡшы туған тел һәм туған әҙәбиәт уҡытыусыһы» конкурсын үткәрә. Илдең 79 төбәгенән 112 педагог иң яҡшы туған тел һәм әҙәбиәт уҡытыусыһы исеме өсөн көрәшә. Конкурсты асыу тантанаһы 16 сентябрҙә Татарстандың баш ҡалаһы Ҡазанда уҙҙы.
Башҡортостандан туған тел уҡытыусылары Рәсәй конкурсында ҡатнаша
Башҡортостан исеменән был конкурста Баймаҡ районының Иҫке Сибай ауылы урта мәктәбенең башҡорт теле һәм әҙәбиәте уҡытыусыһы, «Башҡорт теле һәм әҙәбиәте йыл уҡытыусыһы - 2024» төбәк-ара конкурсы еңеүсеһе Ибраһимова Азалия Вәрис ҡыҙы һәм Өфө ҡалаһының 18-се башҡорт балалар баҡсаһы тәрбиәсеһе, «Уҡытыу туған телдә алып барылған мәктәпкәсә белем биреү ойошмаһының йыл педагогы» республика һөнәри конкурсы еңеүсеһе Ишдәүләтова Әлиә Риза ҡыҙы ҡатнаша.
Сығанаҡ “Башинформ”
