Яуҙашын ҡотҡарған

Махсус хәрби операцияла ҡатнашыусы Бәләбәй егете Вадим Ғәйнуллин Рәсәй Президенты Владимир Путин Указы менән II дәрәжә “Батырлыҡ өсөн” миҙалы менән наградланған. Был хаҡта район хакимиәте башлығы Азат Сәхәбиев үҙенең социаль селтәрҙәге яҙмаһында хәбәр  итә.

Вадим Ғәйнуллин, ҡаһарманлыҡ күрһәтеп, яу барышында үҙенең иптәшен ҡотҡарған. Шул ваҡытта ул үҙе яраланған. Әлеге мәлдә яугир дауаланыу өсөн өйөнә ҡайтҡан.

“Батыр яҡташыбыҙ менән ғорурланабыҙ, еңеү менән әйләнеп ҡайтыуын көтәбеҙ”, – тип яҙа Азат Сәхәбиев үҙенең телеграм-каналында.

Фото Азат Сәхәбиевтың телеграм-каналынан.