"Демография” милли проекты ярҙамында яңы һөнәр үҙләштерергә була

Башҡортостанда ике меңдән ашыу кеше "Демография” милли проекты ярҙамында яңы һөнәргә эйә була ала.

 Йыл башынан республиканың мәшғүллек үҙәктәре «Демография» милли проекты сиктәрендә һөнәри белем биреү һәм ҡайтанан уҡытыу программалары буйынса белемен камиллаштырыуға 2,4 мең ғаризаны хупланы.

 1,4 мең кеше тейешле программалар һайлап, уҡыу тураһында килешеү төҙөнө, 115 кеше был көнгә уҡыуын тамамланы ла инде.

 – Дәүләт программаһы ярҙамында Башҡортостанда эшсе, тимәк, ҙур һорау менән файҙаланған дефицитлы һөнәр эйәләре күбәйә бара. Быйыл программала – МХО ветерандары, бәләкәй балалы әсәйҙәр, 50 йәштән өлкәндәр, эшһеҙҙәр һәм эшһеҙ ҡалыу ҡурҡынысы янаған граждандар  – республика хеҙмәт баҙарында өҫтөнлөклө һаналған 280-дән ашыу йүнәлештең береһе буйынса бушлай белем алыу хоҡуғына эйә. Был мәғлүмәт «Рәсәйҙә эш» порталында урынлаштырылған, – тип һөйләне Башҡортостандың ғаилә, хеҙмәт һәм халыҡты социаль яҡлау министры вазифаһын башҡарыусы Ленара Иванова.

Сығанаҡ: Башҡортостан Хөкүмәтенең “Бәйләнештә” социаль селтәре.