Республика Башлығы идара итеү командаһының төп бурысын атаны

Башҡортостан Башлығы Радий Хәбиров 12 сентябрҙә инаугурация тантанаһында алдағы биш йылға республиканың бурыстары хаҡында әйтте. Уның һүҙҙәренсә, иң мөһиме — халыҡ һәм уның именлеге.

«Беҙҙең төп бурыс — Рәсәй президенты Владимир Путин ҡуйған илдең милли маҡсаттарына өлгәшеү. Иң мөһиме — кешеләр. Республикала йәшәгән 4 миллиондан ашыу халыҡтың һаулығы һәм именлеге өсөн яуаплылыҡ тотабыҙ. Биш йыл эсендә республикала көтөлгән ғүмер оҙайлығы 73,2 йәшкә етте, әммә беҙ 78 йәшкә тиклем йәшәргә тейешбеҙ — уртаса ғүмер оҙонлоғо шундай булырға тейеш. Был беҙҙең өсөн төп күрһәткес. Шул уҡ ваҡытта әүҙем тормош алып барырға кәрәк. Әйткәнебеҙсә, оҙаҡ, лайыҡлы, өйҙә. Беҙҙең «Башҡортостанда оҙон ғүмерлелек» программаһында йөҙ меңләгән кеше ҡатнаша. Был мөһим, әммә халыҡтың көнкүреше һәм йәшәү сифаты яҡшырһын өсөн иҡтисадты нығытыу зарур», — тип билдәләне Башҡортостан Башлығы.

https://www.bashinform.ru/news/politics/2024-09-12/glava-bashkirii-nasha-osnovnaya-zadacha-dostizhenie-natsionalnyh-tseley-strany-3926265