Яңы прокурор тәғәйенләнде

Юстицияның өлкән советнигы Андрей Анатольевич Надежкин биш йылға Өфө прокуроры вазифаһына тәғәйенләнде. Рәсәйҙең генераль прокуроры Игорь Краснов тейешле бойороҡҡа ҡул ҡуйған.

Башҡортостан прокуратураһының матбуғат хеҙмәтенән хәбәр итеүҙәренсә, Андрей Анатольевич хеҙмәт юлын 2005 йылдың июлендә башлай. Бәләбәй район-ара прокуратураһында тәфтишсе, өлкән тәфтишсе, Бәләбәй район-ара тәфтиш бүлеге етәксеһе урынбаҫары, Йылайыр районы, Өфө, Өфөнөң Киров районы прокуроры урынбаҫары, Йылайыр районы, Ишембай район-ара прокуроры, Нефтекама прокуроры булып эшләй.

Һуңғы биләгән вазифаһы — республика прокуратураһының федераль хәүефһеҙлек, милләт-ара мөнәсәбәттәр, экстремизмға һәм терроризмға ҡаршы көрәш тураһында закондарҙың үтәлешен күҙәтеү бүлеге етәксеһе.

https://www.bashinform.ru/news/social/2024-09-11/v-ufe-naznachen-novyy-prokuror-3924623