Рәсәйҙә Ғаилә, мөхәббәт һәм тоғролоҡ көнөнә аҡсалата түләү индерелеүе мөмкин

Илебеҙ Президенты Владимир Путин Рәсәйҙең министрҙар кабинетына күп балалы ғаиләләргә Ғаилә, мөхәббәт һәм тоғролоҡ көнө уңайынан йыл һайын аҡсалата түләү тураһындағы мәсьәләне ҡарарға ҡушты. Тейешле бойороҡ Кремль сайтында баҫылған.

Мәсьәләне ҡарау тураһында доклад 2024 йылдың 1 декабренә тиклем әҙер булырға тейеш. Бының өсөн Рәсәй премьер-министры Михаил Мишустин яуаплы.

Сығанаҡ: “Башинформ”.