Башҡортостанда үткән һайлауҙар һөҙөмтәһе

Башҡортостанда 6, 7 һәм 8 сентябрҙә үткән һайлауҙарҙың яҡынса һөҙөмтәләре билдәле булды.

Рәсәй Үҙәк һайлау комиссияһының яҡынса мәғлүмәттәре буйынса, республиканың әлеге етәксеһе Радий Хәбиров тауыштарҙың 80,21 процентын йыйған. Һайлаусыларының 1,724 миллиондан ашыуы уның өсөн тауыш биргән.

Артур Шәйнуров («КПРФ») — 6,95%, Иван Сухарев («ЛДПР»)  — 4,98%, Владимир Нагорный («Ғәҙел Рәсәй») — 4,26%, Илшат Тимерйәнов («Яңы кешеләр») 2,60% тауыш йыйған.

8 сентябрҙә киске сәғәт 6-ға һайлаусылар исемлегенә индерелгәндәрҙең 69,18 проценты тауыш биргән.