Япония халҡы ла һайланы

Әбйәлил районы Рысҡужа ауылын “Япония” тип тә йөрөтәләр икән.

Тағы, “Субан”,  тиһәң дә урындағы халыҡ аптырап ҡалмаҫ. Бер ауылдың шулай өс атамаһы бар, имеш.

Һайлауҙың һуңғы көнөндә урындағы “япон” ҡатын-ҡыҙҙары – Земфира Зәйнуллина, Фирүзә Хөсәйенова, Заһира Мостафина ҡунаҡтарҙы 763-сө участка һайлау комиссияһы алдындағы майҙанда, милли кейем кейеп, япон бейеүе менән ҡаршы алды.

- Япония республика Башлығын һайланы! Башҡортостаныбыҙға сәскә атыуын, именлек теләйбеҙ һәм егеттәребеҙҙең махсус операция яланынан тиҙерәк ҡайтыуҙарын теләйбеҙ, - тип теләй улар.

Әйткәндәй, рысҡужалар Башҡортостан Республикаһы Башлығын һайлауҙа халыҡтың әүҙем ҡатнашыуын күрһәтте.