“Рәхмәт” акцияһында бүләк отҡандар

“Рәхмәт” акцияһында ҡатнашып, бүләк отоусылар бөгөн үҙҙәрен бик бәхетле тойҙо.

Нефтекама ҡалаһынан Люзиә һәм Артур Фәйезовтар, аҡыллы колонка отоп, уны алыу өсөн Өфөгә килгән. “Көн бигерәк матур! Бер ыңғайҙан гүзәл баш ҡалабыҙҙы ла күреп ҡайтырға ниәтләнек. Улдарыбыҙ Әмир менән Дамирҙы ла үҙебеҙ менән алдыҡ!” – ти Люзиә.

Шишмә районында йәшәүсе Олеся Дубровская һәм уның улы Денисҡа ла бүләккә аҡыллы колонка сыҡҡан. Әсәһенең уңған ярҙамсыһы булған был малайҙың шатлығы сикһеҙ.

Саҡмағоштан Низаевтар ғаиләһе иһә "Лукошко” сауҙа селтәренә дүрт меңлек сертификат алып һөйөндө.

Бөгөн Өфөнөң “Башҡортостан” ҡунаҡханаһына акция бүләктәре артынан килгән бәхетлеләр бихисап ине. Сыуаҡ, күңелле сентябрь көнөн улар оҙаҡ хәтерҙә тотор!