Милли кейем көнө үтә

Башҡортостанда йыл һайын сентябрҙең икенсе йомаһында Башҡортостан Республикаһы халыҡтарының милли кейеме Көнө билдәләнә.

Ул Башҡортостан Башлығы Радий Хәбировтың башланғысы менән барлыҡҡа килде. Байрам тыуған төйәгебеҙҙә йәшәгән төрлө халыҡтарҙың йолаларына, мәҙәниәтенә иғтибар биреүгә йүнәлтелә.

Быйыл байрам 13 сентябргә тура килә.

Республика халыҡ ижады үҙәге Милли кейем көнөнә арналған флешмобҡа ҡушылырға саҡыра. Республика халҡына социаль селтәрҙә тәбиғәт, архитектура һәм архитектура ҡомартҡылары янында милли кейемдәге фотоһүрәттәрҙе баҫтырырға, халыҡ ижады элементтарын башҡарған видеоролик төшөрөргә тәҡдим ителә. Был халыҡ йырҙары, бейеүҙәр, музыка ҡоралдарында уйнау булыуы мөмкин.

Постҡа #МКРБ #ЭтноСтильРЦНТ #деньнациональногокостюма хештегтарын өҫтәү кәрәк. Флешмоб 15 сентябргә тиклем дауам итә.