Командалар чемпионатҡа тупланды

Башҡортостанда 2-9 сентябрҙә II Халыҡ-ара «Геовызов» геология чемпионаты үтә.

Ул Башҡортостан Башлығы Радий Хәбиров башланғысы һәм Федераль ер аҫты ҡаҙылмаларын ҡулланыу агентлығы (Роснедра) тарафынан ойошторола. Әле геология бәйгеһендә ҡатнашыу теләге белдергән командалар Өфөгә килеп бөткән. Улар – Рәсәйҙең 15 төбәгенән һәм 10 сит илдән килгән студенттар.

Африка илдәренән Зимбабве, Гана, Эфиопия, Мозамбик һәм Гвинея вәкилдәре бар. Зимбабве университетының “Тау эштәре һәм инженер технологиялары” кафедраһы лекторы Пруденс Мусоко белдереүенсә, ул етәкләгән команда еңеүгә өмөтләнә. Шулай уҡ Зимбабве студенттары Башҡортостанда булған ваҡытты мөмкин тиклем файҙалы үткәрергә йыйына.