Өфөлә сапсанға һәйкәл асылды

Өфөлә Үҙәк баҙар янында яңы арт-объект барлыҡҡа килде. «Үҙәк» аллеяһындағы скульптура банк ҡыйығында оя ҡорған ыласын (сапсандар) ғаиләһе хөрмәтенә ҡуйылды. Металдан эшләнгән ҡош һыны финанс учреждениеһынан – ҡалаға бүләк. Бөгөн, 29 августа, уны асыу тантанаһында Өфө мэры Ратмир Мәүлиев һәм банк вәкилдәре ҡатнашты. Композицияның бейеклеге – 3,3 метр.

Хәтерегеҙгә төшөрәбеҙ, ыласын-сапсандар яҙ һайын Өфө ҡалаһы банкы ҡыйығына әйләнеп ҡайта. 2019 йылдан банк сапсан ҡошсоҡтары сыҡҡан һәм үҫкән осорҙа улар тормошо тураһында тәүлек әйләнәһенә онлайн-трансляция алып бара. Быйыл уларҙың ояһында өс йомортҡа бар ине, тик бер генә ҡошсоҡ сыҡты. Уға Бүләк тигән ҡушамат биргәндәр. 

Сығанаҡ: «Башинформ».