Республикабыҙҙан яугирҙәргә 130-ҙан ашыу гуманитар ылау ебәрелде

Махсус хәрби операцияла ҡатнашыусы яугирҙәргә Башҡортостандан 130-ҙан ашыу гуманитар ылау оҙатылды. Был турала БСТ каналының “Честно говоря” тапшырыуында Ватан яугирҙәре ғаиләләре комитетының төбәк штабы етәксеһе Эльвира Мацкевич хәбәр итте.

Ул фронтҡа бөтөн нәмә – ризыҡ һәм һыуҙан алып машиналар, кәрәкле техникаға тиклем ебәрелеүен билдәләне. Эльвира Мацкевич республикала гуманитар ярҙам системаһы бик ентекләп ойошторолоуын һыҙыҡ өҫтөнә алды.

Фото “Башинформ”дан алынды.