Ата-әсәләр мәктәп формаһы өсөн Дәүләт хеҙмәттәре аша компенсация юллай ала

Башҡортостанда аҙ тәьмин ителгән ишле ғаиләләр Дәүләт хеҙмәттәре аша мәктәп формаһы өсөн компенсация юллай ала. 

Аҡса ике уҡыу йылына бер тапҡыр ата-әсәнең береһенә тәғәйенләнә. Мәктәп формаһы өсөн компенсацияның максималь суммаһы — 4489 һум. Быйыл аҡсаны 20 декабргә тиклем кире ҡайтарырға була.

Хәтерегеҙгә төшөрәбеҙ, ғаиләнең һәр ағзаһына уртаса килем йәшәү минимумы дәүмәленән артмаған ғаиләләр аҙ тәьмин ителгән тип иҫәпләнә. 2024 йылдың 1 ғинуарына ҡарата мәғлүмәттәр буйынса, Башҡортостанда был эшкә һәләтле халыҡ өсөн — 14 991 һум, балалар өсөн — 13 340 һум.