Фәрит Бикбулатовҡа арналған фестиваль үтә

17 августа Йылайыр районының Юлдыбай ауылында Башҡортостандың халыҡ артисы, ҡабатланмаҫ моң эйәһе Фәрит Бикбулатовтың ижади мираҫын һаҡлау маҡсатында “Йылы ерем – Йылайырым, Һағынып ҡайттым тағын!” тип исемләнгән асыҡ фестиваль үтә. Проект авторҙары йырсыны яҡташтары – Башҡортостандың атҡаҙанған артистары: Гөлсөм Бикбулатова һәм Эльмира Юлдашева.

Сарала 16 йәше тулған йырсылар ҡатнаша ала. Бер башҡарыусынан йырҙар һаны сикләнмәгән. Шулай уҡ тамашала Йылайыр районының һәм республикабыҙҙың билдәле сәхнә йондоҙҙары, яҙыусылары сығыш яһаясаҡ.

Фестиваль Юлдыбай ауылындағы Ҡурай һәйкәле янында киске 20.00 сәғәттә башлана. Фестивалгә рәхим итегеҙ, дуҫтар!

Автор:

Читайте нас

Партнеры