Алты көн ҡалды

2024 йылға кинематография өлкәһендәге проекттарға гранттарға ғаризалар биреүгә 6 көн ҡалды

Конкурста коммерцияға ҡарамаған ойошмалар ҡатнаша ала. Улар Башҡортостан Республикаһында ярты йылдан элек теркәлгән булырға тейеш. ОКВЭД буйынса эшмәкәрлеге түбәндәгеләрҙән тороуы шарт:

- фильм етештереү;

- кино йылъяҙмаһы етештереү;

- фильмды тиражлау;

- прокатлау;

- күрһәтеү;

- тергеҙеү;

- фильм төшөрөүгә бәйле эштәр башҡарыу һәм хеҙмәттәр күрһәтеү;

- кино ҡорамалдары, кино материалдары әҙерләү;

- кинематография өлкәһендә белем биреү, ғилми һәм тикшеренеү эшмәкәрлеге алып барыу;

- ошо өлкәлә нәшерселек эшмәкәрлеге.

Конкурстың дөйөм бюджеты – 50 миллион һум. Тулы метражлы фильм йә сериалға - 15 миллионға, ә ҡыҫҡа метражлыһына 5 миллионға тиклем грант алырға була.

Йүнәлештәре:

- тарихи һәм мәҙәни хәтерҙе һаҡлау;

- балаларға - мөһим төшөнсәләр тураһында;

- дуҫлыҡ республикаһы;

- хәҙерге Башҡортостан;

- әҙәби мираҫ;

- гражданлыҡ;

- Геройҙар ваҡыты;

- "Атайсал" изге ғәмәлдәре;

- йәш Башҡортостан.

Ғаризаларҙы 19 август, киске сәғәт 5-кә ҡәҙәр биреп өлгөрөргә кәрәк. Конкурс тураһында тулыраҡ мәғлүмәт грантыглавы102.рф сайтының "Конкурстар" бүлегендә.