Исемдәре бөтә донъяла танылған артистар килә

Башҡортостан Башлығы тәҡдиме буйынса 2023 йылдың сентябрендә Өфөлә беренсе тапҡыр «Көҙ романтикаһы» бөтә Рәсәй классик музыка фестивале үткәйне.

Быйыл был сара август аҙағына билдәләнгән һәм ул Өфөнөң 450 йыллығына бағышлана.

22 августа Башҡортостан халыҡ артисы Дмитрий Крюков етәкләгән Республика милли симфоник оркестры донъя кимәлендә 1-се урын алып торған пианист, Рәсәйҙең халыҡ артисы Денис Мацуев, донъя кимәлендә 1-се урын алып торған бас, Рәсәйҙең һәм Башҡортостандың халыҡ артисы Илдар Абдразаков, “Рәсәйҙең алтын кларнетсыһы”, Башҡортостандың халыҡ артисы Артур Нәҙиуллин һәм Рәсәйҙең – атҡаҙанған, Башҡортостандың халыҡ артисы Асҡар Абдразаков менән сығыш яһай.

23 августа Үзбәкстандың атҡаҙанған артисы Камолиддин Уринбаев етәкләгән Үзбәкстан Дәүләт симфоник оркестры бер төркөм билдәле солистар, шул иҫәптән Бегисбай Темирбаев (тенор), Хурсандбәк Атамуратов (баритон), Маман Жумабаев (баритон), Отемис Джуманиязов (тенор), Женисбек Пиязов (бас-баритон) менән сәхнәгә сыға.

24 августа Е.Ф.Светланов исемендәге данлыҡлы Дәүләт академик симфоник оркестры маэстро Дмитрий Крюков етәкселегендә концерт бирә.

Атап үтелгән концерттар Өфөнөң Совет майҙанында үтә.

Башланыу ваҡыты – 19.00 сәғәттә. Инеү ирекле.