Ваҡытлы матбуғатҡа яҙылыусылар бүләктәр отто

2024 йылдың икенсе яртыһына гәзит-журналдарға яҙылыусылар араһында бүләктәр уйнатылды.

Уның барышын һәр кем Башҡортостан юлдаш телеканалында тура эфирҙа күҙәтә алды. Иғлан ителгән “Матбуғатҡа яҙыл һәм бүләк от!” конкурсы сиктәрендә мотоблок, туңдырғыс һандыҡ, робот-саң һурҙырғыс, ноутбук, телевизор уйнатылды. Дәғүәселәрҙән биш йөҙҙән ашыу квитанция килгәйне. Отош уйыны шарттары буйынса, ике баҫмаға (республика, район йәки ҡала баҫмаларына) ярты йыллыҡҡа яҙылырға кәрәк ине. Конкурста шулай уҡ гәзиттәрҙең электрон версияларына яҙылыусылар ҙа ҡатнашты.

Шулай итеп, бүләктәрҙе оттолар:

мотоблок – Ауырғазы районынан Е.В. Алексеевҡа эләкте, ул үҙенә һәм хәйриә маҡсатында «Изге подписка» акцияһы буйынса "Ауырғазы хәбәрҙәре" гәзитенә яҙылған.

ноутбук - В. И. Яковлеваға, ул Дыуан районынан, «Дыуан хәбәрҙәре» гәзитенә һәм "Рампа"журналына яҙылған;

телевизор – Стәрлетамаҡ ҡалаһынан Г. Р. Ҡорбанғоловаға, ул «Ҡыҙыл таң» һәм «Стәрлетамаҡ эшсеһе» гәзиттәренә яҙылған;

туңдырғыс — Ауырғазы районынан Ф. В. Дилмөхәмәтовҡа, ул «Йәшлек» һәм «Ауырғазы хәбәрҙәре» гәзиттәренә яҙылған;

робот-саң һурҙырғыс - Хәйбулла районынан С. Ҡарабаеваға, ул "Йәшлек” һәм “Хәйбулла хәбәрҙәре” гәзиттәренә яҙылған.

Еңеүселәрҙе ҡотлайбыҙ!

1 июлдән 2025 йылдың 1-се яртыһына һәм 2025 йылға ваҡытынан алда яҙылыу кампанияһы башланды. Был осорҙа уҙған ярты йыллыҡ хаҡтары буйынса ташлама менән яҙылырға мөмкин.