Рәсәйҙә төп ставка 18% тиклем күтәрелде

Үткән аҙнаның аҙағында директорҙар советы ултырышында Үҙәк банк төп ставканы бер юлы 2 процент пунктҡа күтәрҙе.

Хәҙер ул йылына 18% тәшкил итә. 2023 йылдың декабренән төп ставка 16% кимәлендә һаҡланды.

Төп ставка буйынса киләһе ултырыш 13 сентябргә тәғәйенләнгән. Монетар властар, баҙар реакцияһына ҡарап, ставканы артабан да күтәрергә әҙер булыуын белдерҙе.