Мутлашыусылар юлын таба

Гаджеттар аша туған телдә аралашыу күп осраҡта хәүефһеҙлек өсөн ҡулай.

Мутлашыусылар хәҙер беҙҙең был өҫтөнлөклө өлкәгә лә үтеп инә башлаған. Кешенең сәхифәһендәге яҙмаларға ҡарап, башҡортса хәбәр ебәреүҙе үҙләштергәндәр.

Ихтибарлы булғанда, әлбиттә, телефон ҡараҡтарын шунда уҡ фашлап була. Сөнки улар рус текстарын башҡортсаға онлайн һүҙлек аша тәржемә итә. Һөҙөмтәлә ул рәсми әҙәби тел стилендә килеп сыға. Ә беҙ, ғәҙәттә, ябай һүҙҙәр менән, күп осраҡта тыныш билдәләрен дә ҡуймай яҙышабыҙ, хаталар ҙа – йыш күренеш.

Яҡындарығыҙ, таныштарығыҙ аҡса һорап мөрәжәғәт итһә, һаҡ булығыҙ, шылтыратып, хәлде асыҡлағыҙ.