Өфөнән Санкт-Петербургҡа өҫтәмә рейстар асыла

20 июлдә Smartavia авиакомпанияһының Өфө аэропортынан Пулково аэропортына өҫтәмә рейстар асылды.

Санкт-Петербургҡа шишәмбе һәм шәмбе көндәрендә Boeing 737-800 самолеттарында осорға мөмкин.

Өфөнән Рәсәйҙең төньяҡ баш ҡалаһына рейстар иң популяр 3 йүнәлеш иҫәбендә.

Баш ҡала аэропортының матбуғат хеҙмәтенән хәбәр итеүҙәренсә, тура даими рейстарҙы «Россия», Smartavia, Nordwind Airlines авиакомпаниялары башҡара. Ҡалалар араһында осоштарҙың дөйөм һаны аҙнаһына 36-ға етә.