“Фәрзәнә көнбайышҡа табан бара”

Режиссер Булат Йосопов  Бөйөк Еңеүҙең 80 йыллығына “Фәрзәнә көнбайышҡа табан бара” фильмын төшөрә.

Билдәле кино оҫтаһының яңы эше өсөн Ә. Абдразаков исемендәге “Башҡортостан” киностудияһында (Летчиктар урамы, 2/3) хромакейн павильоны төҙөлгән. Бөгөн 14.00 сәғәттә уның презентацияһы үтә.

"Фәрзәнә көнбайышҡа табан бара” – балалар һәм йәштәр өсөн ысын хәл-ваҡиғаларға нигеҙләнгән хәрби-патриотик фильм. Бөйөк Ватан һуғышы йылдарында Учалы үҫмерҙәре фашист илбаҫарҙарынан азат ителгән Украинаға 400 баш һыйырҙы ҡыуып алып киткән.

Сценарий авторы — драматург Баныу Ҡаһарманова, жанры — тулы метражлы тарихи нәфис фильм. Ул «Йәнле таҫма» кинокомпанияһы менән берлектә төшөрәләр. Продюсерҙары – Юнир Әминев, Леонид Филинов.