“Сәләмәтлек поездары” был аҙнала ҡайҙа бара?

Был аҙнала Башҡортостанда табиптарҙың күсмә бригадалары Кушнаренко, Стәрлетамаҡ, Мәсетле, Бәләбәй һәм Бөрйән райондарында, шулай уҡ Нефтекама һәм Ағиҙел ҡалаларында йәшәүселәрҙе ҡабул итә. Хөкүмәттең оператив кәңәшмәһендә «Сәләмәт республика – сәләмәт төбәк» акцияһының эш графигы тураһында һаулыҡ һаҡлау министры Айрат Рәхмәтуллин һөйләне.

Айрат Рәхмәтуллин һүҙҙәренсә, 15 апрелдән 5 июлгә хәтлем табиптар 93 меңдән ашыу кешене ҡараған һәм 22 меңдән ашыу рентген тикшереүе үткәргән. 2112 сир асыҡланған, күбеһенсә йөрәк-ҡан тамырҙары ауырыуҙары, диабет һәм яман шеш. Бөтә пациенттар ҙа ентекле тикшереү үтергә ебәрелгән.

Сығанаҡ: “Башинформ”.