Евразия музейының визит-үҙәгенә туристар ағымы арта

Ошо көндәрҙә Евразия күсмә цивилизациялар музейының визит-үҙәгенә туристар күпләп килә башлаған. Был хаҡта хөкүмәттең оператив кәңәшмәһендә Башҡортостан Башлығы Радий Хәбиров белдерҙе.

Был иһә оло эштең башы ғына, ләкин «визит-үҙәк бик ҡыҙыҡлы, бай мәғлүмәтле булып сыҡты», тип билдәләне Радий Хәбиров. Киләһе йылдарҙа бында күсмә цивилизацияларҙы өйрәнеү буйынса илдең иң ҙур ғилми һәм мәҙәни үҙәге ойоштороласаҡ.

Сығанаҡ: «Башинформ».