"Рәсәй туры" халыҡ-ара велоуҙышы – Башҡортостанда

11 июлдә Башҡортостанда "Рәсәй туры" халыҡ-ара велоуҙыштың тәүге этабы старт ала.

Республикабыҙ биләмәһе буйлап велоуҙыш өс этапҡа бүленеп үтә.

11 июль, 1-се этап, 160 км (Келәш -  Яңы Троицк - Ҡара Яҡуп - Келәш). 11: 00 сәғәттә башлана.

12 июль, 2-се этап, 126 км (Ҡалтыман – Охлебинин - Ҡалтыман). 11: 00 сәғәттә башлана.

13 июль, 3-сө этап, 120 км (Өфө, Еңеү паркы – Биатлон - Еңеү паркы). 10: 00 сәғәттә башлана.

Артабан Бөтә Рәсәй спорт сараһы Удмурт Республикаһында дауам итә.  Ул 16 июлдә Воткинск ҡалаһында тамамлана. «Рәсәй туры» маршрутының дөйөм оҙонлоғо 770 саҡрым тәшкил итә.