Фатирҙа газ шартлаған

2 июлдә көндөҙ Стәрлетамаҡ ҡалаһының Артем урамындағы йортта көнкүреш газы шартлаған. Фажиғәлә ете кеше йәрәхәтләнгән, уларҙың икәүһе - балалар. Бер кеше үлгән, тип хәбәр иттеләр Стәрлетамаҡ хакимиәтендә.

Ваҡиға урынында оператив штаб булдырылған, етәксеһе - муниципалитет башлығы Рөстәм Ғәзизов. Авария-ҡотҡарыу хеҙмәттәре, шулай уҡ өс янғын һүндереү техникаһы һәм өс ашығыс ярҙам бригадаһы эшләй.

Фажиғә сәбәптәре асыҡлана.

Сығанаҡ: "Башинформ".